Johannesburg – Volgens die departement van
landbou, bosbou en visserye ervaar die Limpopo-provinsie ‘n droogte en is die
ergste nog op pad.
Volgens Thembi Makhuvele, woordvoerder, staar die provinsie moontlike El Nino-toestande
in die gesig. Dit sal beteken dat die reënval sal afneem en die temperature sal
toeneem.
Die areas wat die ergste getref sal word deur hierdie droogte sluit in die
Mopani-distrik, Musina- en Mutale-munisipaliteite in die Vhembe-distrik,
Lephalale- en Mogalakwena-munisipaliteite, asook die Blouberg- en Lepelle
Nkumpi-munisipaliteite.
Die departement het reeds sowat R24 miljoen in die vorige finansiële jaar
spandeer om die kwessie aan te spreek.
Addisionele noodfinansiëring van sowat R38 miljoen is vanaf die nasionale
tesourie aangevra om boere in die omgewing uit te help.
“Boere word aangemoedig om genoegsame drinkwater aan hulle vee te verskaf en om
die meer volwasse diere, wat nie gebruik word vir voorplanting nie, te verkoop,”
het Makhuvele gesê.
Boere moet glo ook watergebruik beperk en water opvang wanneer dit wel reën.
Sien ons Vrystaat Mielies
Reënkaart vir meer inligting oor reën in u area...
Vrystaat Mielies Nuus
